"كان زمان"
-------------
زمان.. كانت الدنيا جميلة
والقلوب كان فيها رحمة
والبيوت الخير ماليها
والأمان في حياتنا نعمة
والجيران عزوة وعيلة
والمعاملة ذوق وحكمة
كان العيش والملح زمان
نعمة كبيرة بنحلف بيها
كنا نصون العشرة تمام
نتغنى بروحها ومعانيها
كان إخلاصنا لكل صحابنا
يسوَىٰ الدنيا وكل مافيها
واللى يخون العشرة ياويله
بتصيبه اللعنة وبلاويها
أهل زمان كانوا ناس هايلين
نادر لما تلاق
ي خاينين
كان الحب بيجمع بينهم
على نياتهم كانوا عايشين
وقت الفرح الكل بيفرح
وقت الحزن الكل حزين
لو فيه واحد عنده مشاكل
تلقى الكل معاه واقفين
كنا زمان بنخاف على بعض
كانت الرحمة بتملا الكون
كنا بنعرف حق الجيرة
وعمر الدم كمان مايهون
وبنكبر لكبير العيلة
أصل كلامه كلام موزون
رحمة ونور على أيام فاتت
ربك لُه في الخلق شؤون
إحنا بقينا في زمن الفُرقة
زمن العيشة مع الأوهام
تلقى الواحد جوه ف بيته
عايش غرقان في الأحلام
لابيعرف حاجة عن العيلة
ولا يدخل في حوار وكلام
والبنت حياتها ف تليفونها
حتى بتحضنه لما تنام
والأب بعيد عن أولاده
والأم بتتعب ياحرام
إمتى تعود اللمة الحلوة
إمتى نعيش في أمان وسلام
-------------------------------------
بقلمي؛ م/ محمود الحريري
ليست هناك تعليقات:
إرسال تعليق