💐لو ألقاها ؟💐
ولسه برضه راح أدور
بقوة روحي مش ح ايأس
وقلبي كله شوق ليها
ونفسي بحضنها أنعس
***
واسأل عنها كل الناس
واتمناها من ربي
وادعي بيها ف صلاتي
وأتمنى تنير .. دربي
***
لو ألقاها.. أنام الليل
وفرحي يبقى ملىء العين
واحزاني تروح ماتجيش
ولا اسألش ده امتى وفين
***
قالولي الدنيا دي خالية
مفيش فيها قليل منها
دي راحة البال أكيد غالية
ولو تلقاها ماتبيعها
***
💐بقلمي/ صفاء الخواجة 💐
ليست هناك تعليقات:
إرسال تعليق