قصيدتى 🌹"مفيش زيك"🌹
رداً على قصيدة
💓ماليش زي ولا مثيل 💓
للشاعرة القديرة
Safaa Elkhawaga
🌻🌻🌻🌻🌻🌻🌻
وحياتك عندي ياغالية
ياحياتي وضي عنيا
مقدرش أعيش من غيرِك
ولا ليكي مثيل في الدنيا
**********
أنا ناوي أعيشلِك ولوحدِك
واعطيكي حنان يسعد قلبِك
فضيت القلب عشان حُبِّك
وتركت الكل عشان خاطرِك
**********
أنا عارف إنك بتغيري
لو عيني زاغت يبقى ياويلي
قلبى بيهواكي ياعصفورة
خليكي معايا إوعي تطيري
**********
أبصم بالعشرة اني موافق
على كل شروطِك وكلامِك
وهانفذ فوراً طلباتِك
دانا قلبي منور بغرامِك
**********
أنا مش ممكن أقدر افارقِك
ولا اشوف مخلوق يسكن قلبِك
أنا بَعشَق طبعِك ودلالِك
وموافق على كل عمايلِك
**********
من يوم ماعرفتِك حبيتِك
والهوىٰ جَمَّع بيني وبينِك
أجمل منك عيني ماشافت
ومفيش زيك ولا فيه مثيلك
-------------------------------
بقلمي؛
م/ محمود الحريرى
رابط قصيدة
💓 ماليش زي ولا مثيل💓
فى أول تعليق
ليست هناك تعليقات:
إرسال تعليق