.....*( ورده )*.....
انتي ورده والا فله
والا نرجس مع ياسمين
ياللي حسنك واخدين منه
كل جمال أحلي الحلوين
فوق جبينك شمس النهار
بين شفايفك وردتين
ياللي سحرني جمال عيونها
ودوبت فيهم من نظرتين
.............
بستان ورد جميل متحني
مسك وعطر وياه عنبر
زي خميله جميله ب ضله
كل كلامها شهد مكرر
واللي يقرب راح يتهنا
يجري عليها من غير م يفكر
لو يوم قلبك حب ومال
كل حياتي ح تصبح سكر
............
بس ياورده خايف م الشوك
احسن يوم الاقيه يجرحني
اصل انا دوبت حب وشوق
مش محتاج قلب يلوعني
ليه بتداري الحب ياورده
م تداوي جرح بيوجعني
نفسي ياورده تصبري قلبي
والدنيا الاقيها تفرحني
★*★*★*★
بقلمي/اسماعيل عبدالهادي ابوالعلا
ليست هناك تعليقات:
إرسال تعليق