شعب جميل
شعب جميل قلبه. كبير
بس ساعات من غير تفكير
شعب مشاعره سابقة إرادته
ودايما يغفل فى التدبير
لو مين ظلمه أو يوم فرمه
بينسى ف لحظة ويدورله على التبرير
بعد ماطالب بالتغيير
يرجع يجري خلف مشاعره
أصل. الشعب بينسى كتير
شعب أصيل يغفر لما بيسمع كلمة تسره
ويرجع يمدح فى اللي أذاه بعد ماجرحه بجرح خطير
شعب مسالم نفسه يلاقي الخير بالخير
نفسه يعيش ويلاقي اللقمة زي الطير
يسرح بدري فى الفجريه ويرجع بعد ظلام الليل
شايل لقمته متحنيه بستر وعفة وربه عليه كل التدبير
نفسه يلاقي العيشه هنية وهو عليه جهد وتفكير
ولما يروح يلقى حيطانه حامية عياله ونفسه وزوجته يبات على خير
حلم الشعب الشاكر فضله وحامد ربه حتى ولو كان فَ
رشه حصير
القلم فهمى محمود حجازى
ليست هناك تعليقات:
إرسال تعليق