خريف البعاد
_________
شجرة بعاد
ورقها يتساقط
فوق خد السنين
وأنا وانت لسه يا دوب
متغربين ومستغربين
طال البعاد فين الحنين
إنوي الرجوع ربك يعين
قادر يلملم شملنا
ويفرح القلب الحزين
دارت سنين العمر
وسقتها من مُرها
صارت ثمارها الخوف
لتحرمنا من حضنها
قَلِم فروعها وشوف
كل كلام جذعها
والجذع لو مكشوف
يبقى الملام لأمها
إزاي تغذي الخوف
والصبر دا في أرضها
حنضل يشلل جذور
قبل ما تسرح
في الطين شعاع للنور
لكن يا مين يسمع
سايب في أرضك بور
لأجل بعيد ترتع
فالقلب لو مكسور
روح نومه في مطرح
جايز يشم الزهور
يُشفى العليل أريح
أصبر وثابر تنول
في دنيتك مرتع
بقلم/وافي إسماعيل الشلبي
ليست هناك تعليقات:
إرسال تعليق