شوفتو الناس
شوفتو الناس اللي ماهيش ناس
من أصله يا ناس أفعالهم إيه
شوفتو الواد اللي ماهوش واد
من أصله يا ناس وعامل فيها بيه
كوتوموتو و توتو وواخد السمعة
من أناتيخ الطبقة اللامعة
نازل هري وجري و عري
و أكل و مرعى و قلة صنعة
ياكل بالسكينة و الشوكة
يربط شعر جنابه بتوكة
يرقص فالس و سامبا و رومبا
على النهاوند و سيكا و دوكا
يروح ماربيلا هناك في الڤيلا
ويعمل سهرة لكل الشلة
يشرب خمرة و يشقط سوسو
و سوسو تبوسه تغير إيزابيلا
آدي سي توتو و دي فتوحاته
و آدي شطحاته في كل حياته
و آدي البيضة و آدي اللي سلقها
و آدي شيطانه و دي تكاته
بقلم طارق السيد
ليست هناك تعليقات:
إرسال تعليق