ساكن قرب الحبيب
والناس الطيبين
والقلب عاد صفاؤه
من بعد طول الحنين
ومياه زمزم شربنا
فيها دوا للمجروحين
فى الروضة كانت صلاتنا
قرب الصادق الأمين
ودعيت رب الخلايق
يشفيلنا المرضانين
ويزيح همّ صدورهم
يزرعها باليقين
ودعيت لمصر بلدى
يحميها م الفاسدين
من كل كاذب وفاسق
واعلام فاسد لعين
ويهدى حاكمها دوما
لصراطه المستقيم
ويحرسها من لصوصها
وأزلام مع مرتشين
والعدل يسود ربوعها
ما يجيش ع الغلبانين
وميزانه ما يبقى مايل
ولا عون للظالمين
لأجل ما تعود بهية
وترجع تانى عفية
ومصيرهابإيدها هيّه
مش بأيدى الماكرين
ليست هناك تعليقات:
إرسال تعليق