يا حاضنة الرصيف
بقلم... مجدي الجندي
فى حضن الرصيف
غطاكِ سماكِ
ونفسك دفاكِ
وناس ماشية جنبك
ماسامعه آهاتك
ماحسه بألمك
ياخلق وياهوووو
شوفوا بطانية
تستر ولية
رماها الزمان
اتاااارى الرصيف
حنين ووافي
وحتى ترابه
مخلص ودافي
مدام القلوب صابها
التجافي
ماعارفه تميز
فقير من مريش
في حضن الرصيف
حاسجل كلامي
واقول غصب عني
حاقولك تنامي..
مدام البيوت
بتسمع اغاني
وموت الضمير.
.سايبك تعاني
وآآآآه ياخلايق
فقدتوا المعاني
في دنيا ماتسوى
حروفي وكلامي
2022/1/7
Magdy ELgendy
ليست هناك تعليقات:
إرسال تعليق