ذكريات عُمْر فات
كات الدنيا ضاحكه ليا
كان شبابي أجمل ما فيا
مره واحده قلبت عليا
فات حبيبي راح ومات
راح إللي كان نور عنيا
ساب عذابي بين إيديا
كطفل باكى من شويه
عاوز أمه تجيب حاجات
عيد ميلاده زي النهارده
إنتَظرَتْ بدون معارضه
لكن الدنيا كات معانده
أخدت معاها كل الحاجات
سابتلى وهم كان هجين
كل الحروف تبدأ بسين
والقلب سلِّم ومستكين
كل حياته ،،،،كات ساعات
عاش حياته يشيل همومي
يحب صورتى بشكل يُومى
.وأما بابعد يقول يا لُومى
الدنيا فاتت والحب مات
،،إيهاب السقا،،
ليست هناك تعليقات:
إرسال تعليق