علميني
بقلمي / عبدالحميد السماحي
علميني أقول الحب
علشان أطب يامعلم
وبراحه عالقلب
علشان لعيونك هسلم
عمري مادقت الغصب
الفرح جوايا مبلم
حياتي فيها الكرب
وإن عشت هتعلم
علميني ماقولشي الآه
أنا لعمري بتندم
عيونك مسك الحياه
وقلبي كان متيتم
عيشيني السعد ونداه
عمري كان متحطم
هو الزمن كان نساه
ولا مصدوم بيكتم
علميني أعدي الصعب
كفايه رعب بك أحلم
مسكيني خيوط الود
اوعى تشد لتألم
كفايه غدر وحقد
أنا من القسوه متحزم
آه من غدر الأحبه
القدم صار متورم
علميني أبص فوق
وأشيل الطوق واتكلم
الدنيا صبحت سوق
وابيع للكل يامعلم
خلي دمي يروق
وأشتري الأصل وأسلم
وباللجام أمسك وأسوق
ولكل وحش أردم
علميني أتقبل ألكرب
ولكل سراب أتبسم
منا قلبي قلب حمام
أحب السلام وأقسم
أزرع أرض البور
أنا غيور متقدم
ماعشقت يوم الآه
الفجر جوايا بيترجم
علميني أخوض البحر
كرهت القهر متظلم
عمري ماعرفت الهجر
أنا للوصل بتكلم
بصلي الشفع والوتر
وللقدس أنا بحلم
تعالى نحلم بالكل
إحنا الفل والسمسم
بقلمي
عبدالحميد السماحي
ليست هناك تعليقات:
إرسال تعليق