( إوعاك تقولي عجزتي)
بقلمي الشاعر/ محمد غبن
شاعر آل غبن وسفيرا للسلام الدولي
10/4/2021
شاعر وقالها عجزت يامه فجأه
ولا يهمك دا إنت الوقار ... كله
شمس حياتنا وضيها
نور الدنيا .... ..............وضله
إوعاك تقولي أو تسمحي لحد
يقولك يوم إنك ........عجزتي
دا إنت كيان مش بس ليا كمان
لولادي ياعزوتي............... إنتي
مين انا من غيرك وإزاي اكون
فتحت عيني ع الدنيا لقيت
قلبك سند بيضلل.........وحنون
إزاي تفكري لحظه إنك عجزتي
مش هسمح لحد يقول كدا تاني
علي روح صنعت بإيدها كياني
بيعاتب وبيقول كدا .........لأمه
مهو برضوا زعلان ع الحنان كله
لكن إنتي غير كل........الأمهات
عشت وشوفت حنانك عمل
أيه وانا اولهم الوجود والذات
من غيرك إزاي اعيش.......يوم
هيسكن الحزن جوايا وعمري
ماهرتاح وهيجافيني.... النوم
ولو قدر الله حصل هحس إني
بحتضر ووقعت فريسة الممات
هوا فيه بعدك حنان يااغلي كيان
حرمه نفسه لجل ........نعيش
عمره في يوم ما حسيت معاه
الحياه ع القد ومعلش.....مفيش
عشان كدا إوعاك تفكري
ياروح ساكنه جوا....... صدري
طيب إزاي هعيش قوليلي كدا
وإنتي اللي بعد ربنا مدبره امري
مش كل يوم بنتكلم سوا عن
حياتي وازاي همشي وهخطي
إجمدي وبلاش دلع عايزه
تعرفي قد ايه معزتك .....عندي
إوعاك تحزني اصل حزنك ممكن
يخليك تقعي وتدبل ....اغصانك
دا إنت شجره طارحه الخير مش
بس لينا دا كمان والله.. لجيرانك
ياما إتحملت ياعفيه وقت ماكان
الزمن مخليك حزينه جوا...ببانك
إجمدي وسطينا بلاش تسمعي
لحد وتدبل غصونك وسط أحزانك
وأدينا ياستي معاك بنعيش ع
الأمل بكره نصنع م الصمود فكره
دا الجنه محتاجها وربي مكرمك
و مخليها بتجري تحت.....أقدامك
هذه القصيده لكل من له أم أن يراعاها كما أمر الله فبدونها ليس للحياه معني رحم الله أمي وغاليتي التي لم أراها طيلة حياتي ويبارك في جميع أمهاتنا الباقيات
ليست هناك تعليقات:
إرسال تعليق