( لو )
نفسى اقولك لو نسيتك
يبقى أنسى نفسى أحسن
أصل نفسى
مش أعز عليه منك
لو نسيتك
يبقى أنسى الكون بحاله
أصل نفس الكون دا كله
مش ح ينفع بعد منك
لو نسيتك
وافتكرت انى نسيتك
يبقى عقلى
كان أمانه يومها عندك
بس أنسى ازاى وقلبي
لسه فاكر قربى منك
لو نسيتك
يبقى أنسى انى هويتك
مستحيل
أبقى ساكن جوه شمسك
وابقى ناكر فضل ضلك
مش كفايه أبقى جنبك
الحنان جوايا رافض
إنه يوم يتخللى عنك
لو نسيتك
يبقى أفضللى البعاد
قبل ما يحين الميعاد
لو نسيتك
تبقى نفسى
هى أصلا مش حقيقه
هى حتما إفتراض
( نبيل الوردانى )
ليست هناك تعليقات:
إرسال تعليق