في ذكرى رحيل العندليب
"صوت العندليب"
-------------------------
وبتعدي السنين وتفوت
وصوت العندليب مايموت
ومهما سمعنا من أصوات
هيفضل برضه أجمل صوت
******
قولولي بس مين ينساه
وفين هنلاقي زى غناه
طرب وجمال وفن أصيل
وصوت ساحر ماشاء الله
******
بصوته الدافي يشجينا
وفى الأحزان يواسينا
وروحه الطاهرة بترفرف
وتملا الدنيا حوالينا
******
مكانك في القلوب ياحليم
وفنك يعشقه الملايين
ورغم وجود مطربين ونجوم
هتفضل تقلب الموازين
-------------------------------
بقلم : م/ محمود الحريرى
ليست هناك تعليقات:
إرسال تعليق