(صعيدي)
في صحبة جمالك
نويت اني اسافر
أكافح واعافر
واعمل فلوس
عشان طبعي بُرعي
ب احب أبقى شرعي
عشان أهل شارعي
ضعاف النفوس
انا عندي طاقة
وجتة وشياكة..
بقولها ب لباقة
انا نفسي ابوس
انا واد صعيدي
رجولتي ف وريدي
ماليش إلا إيدي
فوق الصعب ادوس
اجوع لو شوية
ويصعب عليا
ما امدِّش ايديا
ف حرام الغموس
عشان عندي زِمَّة ما
ب اجرحش حُرمَة
يجوز مُخي جزمة
ما خدتش دروس
صعيدي ومِقَفِّل
لكن ليا باع
ماليش ف التطفل
ولا ف الخداع
لكن عندي صيتي
وحقي ب موتي
ب آخد حقي دايماً
ولو ب الدراع..
ح احوِّش واجيلك
وفوق راسي اشيلك
ودلوقتي اقولك
حبيبتي الوداع
د/نشأت عادل
ليست هناك تعليقات:
إرسال تعليق