.💓رباعيات قبل
المغرب فى رمضان💓
قبل المغرب عايزة أأقول
ودك بين الأهل يكون
لله خالص .كله أصول
سعيك بيه.هو المأمون
💓💓
قبل المغرب ح ادعي يوماتي
يهدي العاصي ويهدي التايه
ويرجع لينا إللى اغتصبه
صهيون وابن اميركا الضايع
💓💓
قبل المغرب فوني يرن
بسأل ع اللي بعيد ويهم
بوصل رحمي كبير وصغير
وجوه قلوبنا الرحمة تعم
💓💓
قبل المغرب.. يلا.. تعالَ
إيدك فيها الخير ح يزيد
للي ما حيلته ولاده دي تفطر
وبعطاياك... ح يكون له العيد
💓💓
قبل المغرب.. مهما ح نشقى
هو المولى.. وخير معين
أجرنا عنده صيام وصلاة
يرزق كل فقير و يعين
💓💓
ساعة المغرب ذكر الله
قالوا عليه ح تجاب وتثاب
كتر منها عشان احبابك
ليهم تفتح كل ابواب
💓💓
قبل المغرب فيه حكايات
تملا مكاتب.. بالروايات
م إللي ينم وكله وشاية
واللي الحقد ماليه أزمات
💓💓
قبل المغرب .....قوم إتوضا
صلي عشانه.....ربي وربك
وادعي يتوب ع العاصي ويهدي.
ويطفي نيران غضبي وغضبك
💓💓
قبل المغرب إدعي لربك
يهدي العاصي ويغفر ذنبك
يجعل كل بلادنا سلام وأمان
ويصون أرضك. يستر عرضك
💓💓
قبل المغرب هات المصحف
واقرا كلام الله و اتمعن
تلقى حلاوة ف قلبك تنزل
فيها أمان ومعاها تتطمن
💓💓
قبل المغرب لو تستغفر
تلقى الرزق معاك وبوفرة
إدي اصحابك وإدي احبابك
وإدعي تنول الوقفة بعرفة
💓💓
قبل المغرب خليه وردك
فطر أي فقير وإتصدق
يفتح ربي عليك وحيرزق
من أوسع بابه ح تتوفق
💓💓
قبل المغرب صون قرآنك
رتل. جود.. أحلي تلاوة
هو شفيعك جوه ف قبرك
نوره عشانك أحلي علاوة
💓💓
توب واستغفر للرحمان
قبل المغرب. كل زمان
ح ييسر لك كل. طريق
راح يحميك من أي هوان
💓💓
قبل المغرب.. يلا تعالَ
ركز ف الدعوات بأمانة
وانوي التوبة تمللي وجدد
أملك ف الرحمن وحنانه
💓💓
💓بقلمي/ صفاء الخواجة 💓
ليست هناك تعليقات:
إرسال تعليق