* * * اسكندرانية * * *
يا بنت يا اسكندرانيه
يا اللي جمالك عجب
شغلتي بالي يا صبيه
جمال ورقه وأدب
جاي من آخر الدنيا
وليا عندك طلب
لو توافقي يا صبيه
مهرك ميزانك دهب
قلبي وروحي وعنيا
يكونوا تحت الطلب
* * *
قالوا مهرك غالي
أنا قلت سنه وفرض
القمر فى السما عالي
وانتِ قُمَر ع الأرض
إزاي النوم يحلالي
وبيني وبينك وعد
* * *
الحب وعد ووعدي دين
وحبي ليكي معناه كبير
ياحلوه ياللي جمالك زين
ومالكه قلب وروح وعين
مهما أبعد م السنين
برجع وقلبي كله حنين
*** بقلمي
منتصر عبدرب النبي ***
ليست هناك تعليقات:
إرسال تعليق