كتبت الشاعرة / داليا يحيي ¥بالمفيد المختصر ¥

بالمفيد المختصر
ناس تطبل ناس تهيص
ناس تنافق غيرها يرقص
كله بيسقف يزمر
ناس غلابه ناس ديابه
ناس في في حالها
ناس كتير سايقه في هبلها
ناس كتير راضعين خباثه
ناس بتتخبط ..بس عايشين
بالكرامه عندهم فدان حساسه
ناس سخيفه وعامله ناصحه
دمهم مليان تناحه الهزار كله وقاحة
والردود زي الرصاص وف
كلامهم في بجاحه
ناس وشوشهم علمت تجاعيد
وهم عمرهم ما داقوا راحه
الدنيا مالها ..بقت عجيبة
ولا أحنا فينا خلق خِيبه
شكلنا محتاج إباد

ه
غايبه والله السعادة
والهم فوق كتافنا علم
محتاجين جرار ينضف
يمكن يشيل كل الوبا
من أرضنا من قلبنا ويعمل إزاحه
يا دنيا كفايه عصر فينا
وإتعاملي مره بالهداوه
وحبه حبه علينا وبراحه

بقلمي / داليا يحيي