كتب الشاعر أ/ إسماعيل عبد الهادي ¥أنا الإنسان ¥

*★( أنا الإنسان )★*
أنا   لحم  ودم  أنا   الإنسان
والطبع     الطيب    تكويني
أنا قلب وداب وشبع حرمان
كان   ليه  بسكاتك  تكويني
وشبعت ملام وعتاب وعناد
ليه   غاويه  دايما  تجافيني
لو  قلبك  مش  قد    غرامي
ارجوك...... تروحي وتنسيني
أنا  لحم  ودم  منيش  تمثال
لا عمري ف يوم أخضع وألين
ولا مره ح اكون لعبه بتنشال
ولا ح ارضي اعيش العمر حزين
أنا قلبي احتار واحترت معاه
من  كتر   عنادك       وبعادك
لا بترضي بلوم وكلام معسول
ولا عمري بشوف غير حرمانك
والعمر وراح ف دموع وجراح
طبعك ....... لساه م اتغيرشي
وصاحبت  الآه  ايام  وسنين
خلوني  ف بعدك    م بنامشي
ومنيش ندمان اصل انا انسان
ولا  مره   ح ارضي بتعذيبك
وان غيبت   يوم حتي سنين
انا  ح ادعي  المولي  يهديك 
بقلمي/ اسماعيل عبدالهادي ابوالعلا