أنا اللي دون الناس عشت طول العمر
أهبل أو عبيط
والنوم عشانهم كان يجافي
أنا اللي عشت في عز البرد أدفي قلوب
من قرصة برد الوجع ويا الآلم
عريان بس كنت أواسي روحي
إني بيهم كان قلبي متونس ودافي
أنا اللي عشت العمر بَجري ليهم بالخطاوي
وفي وسط الشوك رجلي تخطي
أتاريني من خوف قلبي وطيبته
كنت بَجري يا دنيا حافي
لا حد في يوم طيب جراح
ولا دمع عيني في يوم وقف
وأنا اللي الشيلة عليا تقلت
والهم علم فوق كتافي
عايزين تحاسبوا تعالوا بينا
ننصب محاكم رصوا الكراسي
هاتوا الشهود علي ودكم
علي يوم فات من حياتي
يشهد علي كلمة إهتمام
أو فعل يوم كان محسوبلكم
وأنا بين قوسين هيكون ( ظلمكم )
عنوان وبداية لكل اللي فات
هيكون بداية إعترافي
وشهودي كتير بدون عدد
وعمر كان بيكم مرار مسجون أنا
جوا منكم في جحود قلوبكم
مقسومه روحي ميت ألف روح
والساعه بينكم بتمر بيا بعمر صعب
بتفوت تقيلة وسنين عجاف
طفل كان جواه كبير
شال هموم تفوق خياله
أيوه حملتوه كتيييير
شاف الآسي متغلف بتوب حرير
أدام مرايته هو طفل عيل لساه بيلعب
بس قلبه مش بخير
متحمل فوق الإحتمال يسأل دا ليه
والظلم عمره أد إيه
والرد عمره ما جاله شافي
كان بيتحسس منكوا الإبتسامة
كان نفسه في ضمة ، تضم خوفه وتطمنه
أو كلمه حلوه تسيب علامة
كان نفسه مره تفرحوه يجري عليكوا
في عز ضعفه تسندوه
كان فين الحب في قلبكم ، وليه لروح
زي الملاك كان شحيح وماكنش كافي
روح وعاشت طول عمرها زي اليتيمه
روح بتسند نفسها تمسح بإيدها دمعها
وتجيها واقعه تهدها ، تفضل تعافر
تحلم في لحظه تحسوا بيها
يمكن تسامح وا
لا تغفر
كل اللي واجع قلبها
تصرخ بآه
توجعها بعد الآه ميت ألف آه
تبكي وتحضن نفسها
عاشت بتتمني التعافي
والوقت جه زمن الحساب
أيوه هتجلد ولحد يوم الدين هتعند
إي حد يفكر إنه لخط سيرها يوم يحدد
إي حد يفكر إنه لكبريائها بسوء يمس
أو يلمح بإنسحاب أو يهدد
قالت خلاص كلمتها الأخيرة
الكل يبعد
القلب دا إتحول حجر
بقي زي صخر من كتر إنه ما أنجبر
القلب الطيب مات خلاص
إنسوه بقي
وإنسوا إن القلب الأبيض لسه صافي
القلب دا كاره لكم
كاره وجوده في وسطكم
شنطة رحيله خلاص في إيده
من زمان متحضره
حضر تذاكر رحله سفر
تأشيرة مفتوحه بدون رجوع
كل اللي كان بينه وبينكم
حط النهايه أدام عيونكم
والرحله كان بدايتها ظلم
وختامها كان برضو بظلم
بدأت بيه ونهيت حياتي
بمحاكمة كان فيها إعترافي
إني معاكم كنت العبيط
والذنب كان كله في طيبتي
وفي إختلافي
بقلمي / داليا يحيي
أهبل أو عبيط
والنوم عشانهم كان يجافي
أنا اللي عشت في عز البرد أدفي قلوب
من قرصة برد الوجع ويا الآلم
عريان بس كنت أواسي روحي
إني بيهم كان قلبي متونس ودافي
أنا اللي عشت العمر بَجري ليهم بالخطاوي
وفي وسط الشوك رجلي تخطي
أتاريني من خوف قلبي وطيبته
كنت بَجري يا دنيا حافي
لا حد في يوم طيب جراح
ولا دمع عيني في يوم وقف
وأنا اللي الشيلة عليا تقلت
والهم علم فوق كتافي
عايزين تحاسبوا تعالوا بينا
ننصب محاكم رصوا الكراسي
هاتوا الشهود علي ودكم
علي يوم فات من حياتي
يشهد علي كلمة إهتمام
أو فعل يوم كان محسوبلكم
وأنا بين قوسين هيكون ( ظلمكم )
عنوان وبداية لكل اللي فات
هيكون بداية إعترافي
وشهودي كتير بدون عدد
وعمر كان بيكم مرار مسجون أنا
جوا منكم في جحود قلوبكم
مقسومه روحي ميت ألف روح
والساعه بينكم بتمر بيا بعمر صعب
بتفوت تقيلة وسنين عجاف
طفل كان جواه كبير
شال هموم تفوق خياله
أيوه حملتوه كتيييير
شاف الآسي متغلف بتوب حرير
أدام مرايته هو طفل عيل لساه بيلعب
بس قلبه مش بخير
متحمل فوق الإحتمال يسأل دا ليه
والظلم عمره أد إيه
والرد عمره ما جاله شافي
كان بيتحسس منكوا الإبتسامة
كان نفسه في ضمة ، تضم خوفه وتطمنه
أو كلمه حلوه تسيب علامة
كان نفسه مره تفرحوه يجري عليكوا
في عز ضعفه تسندوه
كان فين الحب في قلبكم ، وليه لروح
زي الملاك كان شحيح وماكنش كافي
روح وعاشت طول عمرها زي اليتيمه
روح بتسند نفسها تمسح بإيدها دمعها
وتجيها واقعه تهدها ، تفضل تعافر
تحلم في لحظه تحسوا بيها
يمكن تسامح وا
كل اللي واجع قلبها
تصرخ بآه
توجعها بعد الآه ميت ألف آه
تبكي وتحضن نفسها
عاشت بتتمني التعافي
والوقت جه زمن الحساب
أيوه هتجلد ولحد يوم الدين هتعند
إي حد يفكر إنه لخط سيرها يوم يحدد
إي حد يفكر إنه لكبريائها بسوء يمس
أو يلمح بإنسحاب أو يهدد
قالت خلاص كلمتها الأخيرة
الكل يبعد
القلب دا إتحول حجر
بقي زي صخر من كتر إنه ما أنجبر
القلب الطيب مات خلاص
إنسوه بقي
وإنسوا إن القلب الأبيض لسه صافي
القلب دا كاره لكم
كاره وجوده في وسطكم
شنطة رحيله خلاص في إيده
من زمان متحضره
حضر تذاكر رحله سفر
تأشيرة مفتوحه بدون رجوع
كل اللي كان بينه وبينكم
حط النهايه أدام عيونكم
والرحله كان بدايتها ظلم
وختامها كان برضو بظلم
بدأت بيه ونهيت حياتي
بمحاكمة كان فيها إعترافي
إني معاكم كنت العبيط
والذنب كان كله في طيبتي
وفي إختلافي
بقلمي / داليا يحيي
ليست هناك تعليقات:
إرسال تعليق