🌹مشتاق إليك 🌹 كلمات للشاعر/ منتصر عبد رب النبي

* * * مشتاق إليك * * *
أنا مش قد كلامك
ولا حتى حلو غرامك
أخسر كل الدنيا عشانك
بس ترجع يا حبيبي
*     *     *   
نفسي ف لمسة إيديك
أدوب من نظرة عنيك
أنا قلبي دايماً بيناديك
إمتى ترجع يا حبيبي
*     *     *   
تعالى داويلي جراحي
بَدِلْ دموعي بأفراحي
يا عيني نامي وارتاحي
لما يرجعلي حبيبي
*     *     * 
يرجع قلبي بين ضلوعي
أقول لعيني تودع دموعي
كل الدنيا تبقى طوعي
لما حنانك يرْوِيني
*     *     * 
مش هسمحلك بالفراق
وهعلم كل العشاق
معنى الحب والاشتياق
لما أقابلك يا حبيبي
* * * بقلمي
               منتصر عبد رب النبي * * *