اكتب اشعارك
اكتب اشعارك وعلي الصوت
متخافش الدنيا ولا تهابها
مهو كتر الخوف يشبه للموت
ومتعملش حساب لعتابها
واوعي تنشغل بجمع القوت
وتلهيك الدنيا باعجابها
احسن راح تاخد بالشلوت
وتعيش مكسور علي ابوابها
والكسرة ان جات بعد الذله
بالرفع لا يمكن اعرابها
طلع خابياك والمكبوت
نخرب ف جحورها وسردابها
ومد دراعك جو الحوت
واسحب فواكهها واعنابها
واكلين الاخضر واليابس
وما خلو حاجه ف اعشابها
خلونا شبه تمثال منحوت
محطوط كدا زينه ف اعتابها
وان راح يجي ١٠٠ هلفوت
غير عرفه شغال لحسابها
علي راسه بياخد بالنبوت
وبالليل متكحل بهبابها
فُك قيودك حرر نفسك
ودخل ايدك في جرابها
جمد قلبك ورتب نفسك
واوعي تخاف من انيابها
وان مت اكيد كلنا هنموت
ويارب والجنة واحبابها
اكتب اشعارك وعلي الصوت
وبلاش تتدارى
في محرابها
اكتب واصرخ وبلاها سكوت
وكفايه تعظم لجنابها
اكسر خوفك بلا شعر كيوت
وانزل ف الساحه لخطابها
احسن م العمريعدي يفوت
والبنت هيتكتب كتابها
حماده محمد الراوي
٢٠٢٠/٦/٢٥
اكتب اشعارك وعلي الصوت
متخافش الدنيا ولا تهابها
مهو كتر الخوف يشبه للموت
ومتعملش حساب لعتابها
واوعي تنشغل بجمع القوت
وتلهيك الدنيا باعجابها
احسن راح تاخد بالشلوت
وتعيش مكسور علي ابوابها
والكسرة ان جات بعد الذله
بالرفع لا يمكن اعرابها
طلع خابياك والمكبوت
نخرب ف جحورها وسردابها
ومد دراعك جو الحوت
واسحب فواكهها واعنابها
واكلين الاخضر واليابس
وما خلو حاجه ف اعشابها
خلونا شبه تمثال منحوت
محطوط كدا زينه ف اعتابها
وان راح يجي ١٠٠ هلفوت
غير عرفه شغال لحسابها
علي راسه بياخد بالنبوت
وبالليل متكحل بهبابها
فُك قيودك حرر نفسك
ودخل ايدك في جرابها
جمد قلبك ورتب نفسك
واوعي تخاف من انيابها
وان مت اكيد كلنا هنموت
ويارب والجنة واحبابها
اكتب اشعارك وعلي الصوت
وبلاش تتدارى
اكتب واصرخ وبلاها سكوت
وكفايه تعظم لجنابها
اكسر خوفك بلا شعر كيوت
وانزل ف الساحه لخطابها
احسن م العمريعدي يفوت
والبنت هيتكتب كتابها
حماده محمد الراوي
٢٠٢٠/٦/٢٥
ليست هناك تعليقات:
إرسال تعليق