⚘شاعر زير ⚘ بقلم الشاعر / حماده الراوي

شاعر زير

قالو  عليا  شاعر  زير
بيتلاعب بمشاعرنا وبالتعبير
ونشرو حسابي في جروبهم وقالو خطير
لقيت سلمي مع نوره وجابو عبير
لقيت سلمي تقول كلمه
دا قالي لي انا عايش ليكِ
ووسط الناس هعليكِ
بحبك انا اموت فيكِ
بدون تغير
بنسهر كل يوم بالليل
نعيش الحب وهيامه
يدوب القلب بكلامه
وعندي دليل
دا لسه بعتلي كام صوره
مع الامضاء كاتب
نوره
ياحب حياتي وسنيني
يا قلبي وروحي وحنيني
يا نبض القلب من جوه وحشتيني
ووحشني قلبك الدافي
وحضن عيونك الصافي
وقال عنك كلام كتير
وقال م بنامش م التفكير
انا مش عارفه اوصفلك
 مدي التعبير
واخر سطر في الصوره بدل نوره
كتبلي عبير
عبير يا عمري ياخمري
انا اللي سكرت في هواكِ
وبنسي الدنيا دي معاكِ
وروحي تروح وتفداكِ
يا عشقي وحبي وملاكِ
وعمري ف يوم ما هنساكِ
ولا هقدر علي التغيير
وقعدو يزيدو ويعيدو
وكلامهم ملوش تأثير
انا الواثق من الخطوة
وانا العاشق لقلب جميل
ولا تشغلني ١٠٠ قط

ة
دا قلبك وحده بس خليل
فلا سلمي ولا نوره
ولو جابو ٢٠٠ صوره
قلبي عمره يوم م يميل
ولا عمري ف يوم اخونك
ولا قلبي يعيش دونك
انا اللي كتبت في عيونك
اخر حرف من اسمه
شبه اسمي
حتي القلب ساب جسمه
سكن جسمي
وانا اللي كتبت عن شعرك
شبه رسمي
وانا اللي كل يوم بالليل
بدعيلك تكون قسمي
ويربط قلبي مع قلبك
ورق رسمي
يا فرحه ف حزن ايامي
يا وش الخير
يا ساكنه القلب من جوه
وحبك غير
سيبك من كلام نوره
وكلام سلمي وحتي عبير

حماده محمد الراوي

٢٠٢٠/٦/٢٨