أمـانـــــة الـكـلـمــــة
الكلمة دية أمانه عند صاحبها
ممكن تهز القلوب لو الحب صاحبها
وممكن تهز الفؤاد لو انسان صاح بها
خوفى على قلب حلوة
لو معجب يصاحبها
يملا سماها غنا
وانغام تصاحبهـا
وبكلمة واحده خبيثة
تقضى بصاحبها
........
الكلمه ديه أمانه
لو اتقالت صافيه
وتبقى ورده جميله
وللمريض شافيه
وللصديق او لجارك
تـلقـى النفــوس صـافيــة
والكلمه لأم الولاد
تبقى الحياه دافية
رفعت مـحفـوظ-الإسـكـنـدريـة
ليست هناك تعليقات:
إرسال تعليق