قلبي عايش بألف سهم
مليان جروح متذوقة
واللي شايفه دا أصله وهم
جروح مكبوته ف شرنقه
من بره تشوفها تقول تمام
ومن جوه الدمعه مغرّقه
كل جسمي،،،وأما أنام
أحلم بسكه مزحلقه
بس عايش لسه شهم
أساعد كل المظلومين
واللي عنده مَظلَمه~~~~~
أمشي معاه وابقى
دعم
وافك بعض المشكله
أصل إللي جَرّب الألم
يحس بكل المجروحين
ويبقي قلبه له روحين
روح بتكتب بالقلم
وروح بتدعي،،،تقول آمين
تخلي كل العَتمه نور
وتهد سجن وألف سور
واللي كان معجون بطين
والأرض مهما تبقى بور
تطرح ورد يِسُر عين
،،،إيهاب السقا،،،
ليست هناك تعليقات:
إرسال تعليق