خيانة
كنت فاكرك طوق نجاتي
شراعي وقلوع سفينتي
كنت شمسي ونور حياتي
كل حياتي هي انت
عشت مخلص لك بحبي
بس بعتي ليه وخنتي
وزي ما هنت عليك
انت كمان على قلبي هنتي
في حضن غدرك كنت نايم
زي طفل في حضن امه
صحيت لقيت قلبي عايم
بس يا خساره في دمه
وبعد ما كنت فرحه حياته
بقيت تعاسته وسر همه
هو صحيح طعم الخيانة
علقم مغموس بالمرار
كاس وداقه نبض قلبي
داقه من غير اختيار
بس كاسك كان دوا
شربه قلبي وارتوى
ترياق لسم الخيانة
يالي حبك لقلبي عار
بقلمي يحيى حسين القاهرة
1 أبريل 2020
ليست هناك تعليقات:
إرسال تعليق