( مكتوب من أمي )
الإهداء .. إلى أمي الحبيبة متعها الله بالصحة والعافية وأمهاتكم المباركات
وطوبى لأرواحهن حياةً ومماتاً وارزقنا برهن يا رب العالمين
لما جه مكتوب من أمي
قمت صليت ركعتين
ركعة بالآية الوصية
وركعة من سورة ياسين
أيوة من سورة ياسين
أصلها كانت تَمَلِّي
لما حد يموت تقوللي
سَلَمُوه بسورة ياسين
تِسْتِلِم منكوا الملايكة
طَيْبِيِنْكُم طيبين
وأما كان عيل يجينا
يدنوا ف ودنه ويقيموا
أمه كات تديه لأمي
وأمي كات تجبر نقوطها
بالدُعا وسورة ياسين
كات بتعمل ده لجيراننا
من نصارى ومسلمين
وأما كان عجبي يحاصرها
وأفتكر دا فعل شين
كات تقوللي :
الرحمة.. سيدك
بالهدى مبعوت لمين ؟!
يابن بطني أوصيك ووَصِّي
إن كل الناس عزايز
الميلاد زي الجنايز
واللي بينهم يبقى فايز
إن غرف من نور ياسين
لما جه مكتوب من أمي
قمت صليت ركعتين
ركعة بالآية الوصية
وركعة من سورة ياسين
* * *
انسانية أمي مَلْمَح
من رضا الله عن خلايقه
كَشفْ .. مجبور بالتواضع
سِر مطلوق بين شقايقه
يملكه المشغول بروحه
واللي متهموش حقايقه
الولي ان عرفوه بولايته
أمي بتقول ..ده يضايقه
مرة بصيت جوه روحها
... فضفضت لي
ع الرضا وجبر الخواطر
وأما حستني ف براحها
... مهدت لي
ع اللي مقطور واللي قاطر
واللي محشور بين مدامعه
والندم خلاه يعافر
واللي بين وبين مرَيَّح
فقر قلب وعقل شاطر
واللي واللي واللي واللي
م السما لجوف المقابر
دققوا بس أما تِقْرُوا
اللي جه ف "فاطر وغافر"
كنت مش فاهم حَدِيتها
بس حَاسُه حِيَاق .. مَرَاسِي
قمت لفلفته ف ساعتها
ف حتة دافية جوة راسي
جنب وعيي وفوق مداركي
حِرز موقوف للسنين
لما جه مكتوب من أمي
قمت صليت ركعتين
ركعة بالآية الوصية
وركعة من سورة ياسين
* * *
اصطباحة أمي نِيلِي
نُصُه زمزم .. نُص كوثر
حاجة من نوع سلسبيلي
ضَفتينُه ..الخير مسطَّر
ضفتينها وضفتينه
جوز شقايق للمقدر
والمقدر مرة يرضى
وأما يقسى تقول لي .. اصبر
يابن بطني الصبر هِدْمَة
للي محروم م العَطِيَة
وانت مستور بالدعاوي
اللي مسطور نورها فيَّ
بس برضه القول دا لجلك
حتى عشتك ليها دية
ودية المكسور يجَبَّر
بس نفسه المرتخية
أي نفس تطولها أزمة
بس ترضى .. تعيش رضية
داووا بعض ولو بكلمة
الكلام مش بس مؤذي
الكلام كمان مداوي
داووا بعض ولو ببَصَة
العنين تفلق .. تشَظِّي
بس لَحْظ العين دا حاوي
يقلعك من بُور مواجعك
يشتِلَك ف غيطان غناوي
وانت غاوي العمر كله
تبقى جار للطيبين
لما جه مكتوب من أمي
قمت أصلي ركعتين
ركعة بالآية الوصية
وركعة من سورة ياسين
* * *
الكلام ع الأم أقدم
من حروف الأبجدية
حتى أقدم من وجودها
حَظَّها م اللوح .. وصية
أي دين موصوف محبة
ذِكْرَهَا كان فيه هدية
وأمي في الوِرْدِ المعَدِّي
ع القبول ف زمانَّا .. أَلْفَا
ترفع الكفين محبة
ينزل المطلوب بأُلفَة
كُلفِة الرضوان بسيطة
والغَلا ف بَدَنِ المخالفة
وعمره يامه ابنك ما خالف
وصدقي .. ف عِزّ الشدايد
جاني مكتوبك سَنَدْنِي
تعرفوا كتبت لي أيه
بعد ختم الركعتين ؟
- ابن بطني :
سلام لروحك
والبدن مليان بعافية
والعيال والغالية روحك
نفسي أشوفهم شوفة شافية
أما بعد .. القلب راضي
واللي مكتوب .. رقوة ليكم
م المخبي في المقدر
وفي الختام
لما تقرا الورد عني
قوم وصلي ركعتين
ركعة بالآية الوصية
وركعة من سورة ياسين
الإهداء .. إلى أمي الحبيبة متعها الله بالصحة والعافية وأمهاتكم المباركات
وطوبى لأرواحهن حياةً ومماتاً وارزقنا برهن يا رب العالمين
لما جه مكتوب من أمي
قمت صليت ركعتين
ركعة بالآية الوصية
وركعة من سورة ياسين
أيوة من سورة ياسين
أصلها كانت تَمَلِّي
لما حد يموت تقوللي
سَلَمُوه بسورة ياسين
تِسْتِلِم منكوا الملايكة
طَيْبِيِنْكُم طيبين
وأما كان عيل يجينا
يدنوا ف ودنه ويقيموا
أمه كات تديه لأمي
وأمي كات تجبر نقوطها
بالدُعا وسورة ياسين
كات بتعمل ده لجيراننا
من نصارى ومسلمين
وأما كان عجبي يحاصرها
وأفتكر دا فعل شين
كات تقوللي :
الرحمة.. سيدك
بالهدى مبعوت لمين ؟!
يابن بطني أوصيك ووَصِّي
إن كل الناس عزايز
الميلاد زي الجنايز
واللي بينهم يبقى فايز
إن غرف من نور ياسين
لما جه مكتوب من أمي
قمت صليت ركعتين
ركعة بالآية الوصية
وركعة من سورة ياسين
* * *
انسانية أمي مَلْمَح
من رضا الله عن خلايقه
كَشفْ .. مجبور بالتواضع
سِر مطلوق بين شقايقه
يملكه المشغول بروحه
واللي متهموش حقايقه
الولي ان عرفوه بولايته
أمي بتقول ..ده يضايقه
مرة بصيت جوه روحها
... فضفضت لي
ع الرضا وجبر الخواطر
وأما حستني ف براحها
... مهدت لي
ع اللي مقطور واللي قاطر
واللي محشور بين مدامعه
والندم خلاه يعافر
واللي بين وبين مرَيَّح
فقر قلب وعقل شاطر
واللي واللي واللي واللي
م السما لجوف المقابر
دققوا بس أما تِقْرُوا
اللي جه ف "فاطر وغافر"
كنت مش فاهم حَدِيتها
بس حَاسُه حِيَاق .. مَرَاسِي
قمت لفلفته ف ساعتها
ف حتة دافية جوة راسي
جنب وعيي وفوق مداركي
حِرز موقوف للسنين
لما جه مكتوب من أمي
قمت صليت ركعتين
ركعة بالآية الوصية
وركعة من سورة ياسين
* * *
اصطباحة أمي نِيلِي
نُصُه زمزم .. نُص كوثر
حاجة من نوع سلسبيلي
ضَفتينُه ..الخير مسطَّر
ضفتينها وضفتينه
جوز شقايق للمقدر
والمقدر مرة يرضى
وأما يقسى تقول لي .. اصبر
يابن بطني الصبر هِدْمَة
للي محروم م العَطِيَة
وانت مستور بالدعاوي
اللي مسطور نورها فيَّ
بس برضه القول دا لجلك
حتى عشتك ليها دية
ودية المكسور يجَبَّر
بس نفسه المرتخية
أي نفس تطولها أزمة
بس ترضى .. تعيش رضية
داووا بعض ولو بكلمة
الكلام مش بس مؤذي
الكلام كمان مداوي
داووا بعض ولو ببَصَة
العنين تفلق .. تشَظِّي
بس لَحْظ العين دا حاوي
يقلعك من بُور مواجعك
يشتِلَك ف غيطان غناوي
وانت غاوي العمر كله
تبقى جار للطيبين
لما جه مكتوب من أمي
قمت أصلي ركعتين
ركعة بالآية الوصية
وركعة من سورة ياسين
* * *
الكلام ع الأم أقدم
من حروف الأبجدية
حتى أقدم من وجودها
حَظَّها م اللوح .. وصية
أي دين موصوف محبة
ذِكْرَهَا كان فيه هدية
وأمي في الوِرْدِ المعَدِّي
ع القبول ف زمانَّا .. أَلْفَا
ترفع الكفين محبة
ينزل المطلوب بأُلفَة
كُلفِة الرضوان بسيطة
والغَلا ف بَدَنِ المخالفة
وعمره يامه ابنك ما خالف
وصدقي .. ف عِزّ الشدايد
جاني مكتوبك سَنَدْنِي
تعرفوا كتبت لي أيه
بعد ختم الركعتين ؟
- ابن بطني :
سلام لروحك
والبدن مليان بعافية
والعيال والغالية روحك
نفسي أشوفهم شوفة شافية
أما بعد .. القلب راضي
واللي مكتوب .. رقوة ليكم
م المخبي في المقدر
وفي الختام
لما تقرا الورد عني
قوم وصلي ركعتين
ركعة بالآية الوصية
وركعة من سورة ياسين
ليست هناك تعليقات:
إرسال تعليق