كتب الشاعر/أسامة جديانة ¥اللي مني ¥

اللي مني
وكان فى سني
كنا طول عمرنا احباب
لما بحت له بسري
هال علي التراب
كان فى ظني
يتفهم حتى الاسباب
حب يعلى ويقل مني
شعرت اننا اغراب
قلت يومها هيساعدني
من غير لا لوم ولا عتاب
ليه بالقسوة تحاسبني
وبالشتائم والسباب
يومها فقت ولومت نفسي
كنت فاكر اننا اصحاب
تاه مني يومها فكري
لماالكذب سال مع اللعاب
كل الآلام صابتني
فى اختياري للاصحاب
الوفاء كان ملازمني
والعقل فى حالة غياب
الزمان نسى يعلمني
ان الغل بلغ النصاب
واللي كان بالأمس صاحبي
اصبح أشد من الذئاب
بعيون الغل يراقبني
ويقفل بينا ألف باب
                           (((أسامه جديانه)))