قصيدة حبيب فى الانتظار ،،،،
كلمات الشاعر علي صابر ،،،،،
في الانتظار وما عنديش ملل
متقبل اي حاجه تسند الخلل
وصابر اديني صبور زي الجمل
و مع ان مفيش جوابات وبرضهُ عندي امل
مهما كانت افكار بتاخدني وتجيبني
هتفضل انت في عقلي ومش سايبني
مهما طال البُعاد هيفضل شوقي ليك واخدني
مهما كان هنا وهناك هتفضل في قلبي وعاجبني
ومهما تعمل شايفك بعيني ملاك
شايفك الحب اللي بيخرج قلبي من الهلاك
شايفك العين اللي بشوف فيها الجنه معاك
شايفك اللمسه اللي بتداوي قلبي اول ما لقاك
مع كل خطوه كل نفس حب ليك
عشان كده لو صبر فوق الصبر
عشان بس نظره من عينيك
ده انت كنت امنيه وتحققت لي في ليله القدر
فلو خايف وربنا انا اكتر واحد هحميك
بس ارجو انك تقدر الانتظار
وتقدر لهيف شوقي واشتياقي
وتعوضني على اللحظات المرار
بحُبك وحنينك اللي هو دوائي
وما تسكتش عن الكلام
عوضني بسماع صوتك
في وجودك هخاصم المنام
عشان عايز اشبع بوجودك
فاملا داري ودنيتي غرام
لاني هكون وطنك وحدودك
مش عايز تاني اسمع وداع وسلام
كفايه ده البُعاد مش في شروطك
وان كان على الصبر فانا الصبر اللي مع الايام
ما كانش عندي شك في رجوعك لمحبوبك
فى اوعى تقول لي تاني وداع وسلام
ساعتها يبقى بتحكم على موتي وموتك
ليست هناك تعليقات:
إرسال تعليق