🍁ضاع الحلم🍁
حد يبلغ إنى تعبت...
قبل معاد الشيب أنا شِيبّت...
ضاع الحلم اللى حلمناه...
ضاع الحلم وضعنا معاه...
ضاع وكأنى يوم ما حلمت....
بعد ما قولنا بكرة جميل...
ييجى ينور بَعد الليل...
ييّجى يطبطب ع المجاريح....
ييّجى ينور ألف سبيل...
قلنا خلاص للصبر نهاية...
قلنا هتفرح كل حكاية...
ليه ملناش ف الفرح نصيب....
ليه يا بلاد الكون نسايه....
قالوا خزاين الأرض بلادى...
كل الدنيا عليها تنادى....
ليه حرمانه من تفاريحك...
ولا شفنالك حتى
العادى....
تعبّت منك كل سنينى...
ولا بنزورك ولا بتجينى....
ولا قادرين نتهنا بخيرك....
ولا بتراعى الدمع فى عينى...
لو فى كلامى لوم سامحينى...
عاتب أيوه لكن حابب....
لو بتّجَنّى عليكى لومينى....
لو كرهانى الله غالب....
كلماتى علاء محمود
ليست هناك تعليقات:
إرسال تعليق