"سمك 🐟 - لبن 🍼- تمر هندى 🍺"
( إنت متعرفش أنا مين؟!!!!!! )
▪︎ كل واحد فينا شاطر
▪︎ داهيه ماكر جن ساحر
▪︎ كل واحد فينا فاكر
▪︎ أوله مالوهش آخر
▪︎ نمل تحت الأرض فايت
▪︎ خاف نبينا يدوس عليه
▪︎ قمل جوه ف راسنا بايت
▪︎ دوسه وأتحدى تلاقيه
▪︎ نجم فى السما يلالى
▪︎ مد إيدك ماتطولوش
▪︎ يم موجه ف العلالى
▪︎ موج كتير ماعدتوش
▪︎ هم شوكه هد حالى
▪︎ حله عندك؟..لأ مالوش!!!
▪︎ كنت عنتر...زيد هلالى
▪︎ لك نهايه موت فاشوش
▪︎ أولك ف الدنيا دايه
▪︎ أخرتك ف القبر طين
▪︎ كل ظالم له نهايه
▪︎ إوع تظلم أو تهين
▪︎ ربنا رب البرايا
▪︎ غاية العبد الأمين
▪︎ قوم وحسن النوايا
▪︎ خلي وصلك له متين
قول آااااااامين. .......
عجبى!!!
ليست هناك تعليقات:
إرسال تعليق