"متخبيش مشاعرك"
------------------------
ليه تداري عني حبك
ليه تخبي كمان مشاعرك
بص في عيوني وصارحني
خَرَّج المحبوس في قلبك
لو مشاعرك بتناديني
هتلاقيني بسرعة عندك
وانصب الأفراح واغني
والقمر هاحكيله عنك
نبض قلبي بيناديلك
نفسي أفضل عمري جنبك
واترك الدنيا ومافيها
واكتفي بهواك وحبك
بين ضلوعي يكون مكانك
لما تغمرني بمشاعرك
وارتوي من فيض حنانك
وازرع الأفراح في قلبك
------------------------------
بقلمي؛
م. محمود الحريري
ليست هناك تعليقات:
إرسال تعليق