معلش يادنيا
عبدالمنعم عدلى..مصر
معلش يادنيا
إنت اللي
رضيت بأهلك
يسكنوا فيك
وتركوا الهم ليك
معلش يادنيا
شيلت الفقير
هم السنين
على طول لياليك
وسبت الباغي
يرعى فيك
هو الفقير جوه
عنيك ساكن
ولا إنت كده
معلش يادنيا
كان نفسي
أشوف وشك
الحلو يوم
وإنت دائما
بعيده عنا كل يوم
معلش يادنيا
ناسك وحشيين
والكحل راح
من العين
ولاعاد فيك
رحمة ولاحنين
ولاحتى كلمه حلوه
(إبكي ياقلب
على الحنيه)
وإبكي على
ناس راحوا وفاتونا
لناس تئذي فينا
راحوا فين اللي
كانوا بيمسحوا
دمع عنينا
ولاعاد حد
فاضل فيك
إلا المغرورين
عايشين فيك
ملوك للأدميين
ياخسارة يادنيا
عندما كنت دنيا
كل ساعة وكل ثانيه
الباب بيدق
من غير ميعاد
والناس جايه ورايحه
بتبص على الأحباب
والحلم فيك
كان علم مش سراب
حنين واخدني ليك
ومعملتش حساب
لبكره فيك
ولاعطفة حلوة
ولاكلمة تسعد
بيها قلوب
الكل كاره نفسه
الكل بيبص لنفسه
والتراب فيك
يملا
العين
ومين يسكن
قبر فيك
معلش يادنيا
أصلك فانية
وفين أراضيك
ومين مات فيك
خلاص يادنيا خلاص
الكل مش راض بيك
بقلمى عبدالمنعم عدلى
ليست هناك تعليقات:
إرسال تعليق