زعل منى لما تعاملت معاه بطريقته
زعل ايوه قوى وقالى انى كده
قاسيه و جرحته
طبعا ما هو مجربش
مره كلامه القاسي على نفسه
ونسى انى ياما زمان اتحملته
و لما كان بيجرح قوى
ماجتش فى يوم خاصمته
نسى كمان ازاى وقفت جنبه
و ذكريات كتير ما فارقتش
حاجة عنده
جاى وقال عايز بقى يعاتب
جاى وبيهدد انه هيمشى
وخلاص كده مفارق
جاى وناسى انه لدنيتى ولفرحى
كان سارق
جاى وفاكر انى هموت من وحدتى
انى هندم
جاى وفاكر ان من سنينى
انا اللى هدفع
فاكر اننا لسه زى زمان
هو يتكلم
وانا بس اسمع
مش عارف ان وجوده فى حياتى
مبقاش مهم
مش عارف انه وجوده فى الحياه
مبقاش ليا فارق
مبقاش فارق
#سمر_الباز
ليست هناك تعليقات:
إرسال تعليق