اطبلك وماله مادام هستنفع
و هتغرف من خيرك وتدينى
اطبلك حتى لو كلامك مش عاجبنى
ماهو كلامك مش هيفرحنى ولا يبكينى
اطبلك وكمان انافقك
وبكده عمرك ما تأذينى
لكن لما تقع فى مطب
وقلبك خلاص يطب
وتقولى الحقنى يا صاحبى
الحقنى يا زميلى
هقولك ياريت تبعد بقى عنى
ده انا اللى فيا مكفينى
ده انت لو فكرت تمنع خيرك عنى
لو فكرت بس
هقولك اسف مش مكمل معاك
وهشوف حد غيرك بقى يدينى
وده حال ناس كتير فاكرين اللى بيطاوع
واللى بيصقف لهم هم دول الصادقين
وفى العشرة ماسكين
ميعرفوش ان المصلحة لما تخلص
وخيرك كمان يخلص
هتلاقى كل اللى كانوا بيطبلوا لك
سايبينك و ماشين
و ساعتها هتلعن الزمن وتفتكر
ان كل اللى حواليك غدارين
لكن مش دى الحقيقة
الحقيقة انك وقعت فى فخ الكدابين
فخ الكدابين
#سمر_الباز
ليست هناك تعليقات:
إرسال تعليق