....... محجوب عايش بينا .......
محجوب عبد الدايم
دايما عاالميه بتلقاه عايم
تلقاه ويا الكبرات
وفي أي عزايم
بيبيع في العرض
وفي الأرض
وبيرهن للباشا بهايم
محجوب عبد الدايم
عاشق للكرسي المنحوس
وبيركع للي في ايده فلوس
محجوب كان غاوي الاضواء
واهي ماتت فيه الأخلاق
محجوب بقي تيس
وبقاله قرون
محجوب عايش بينا
أو فين مانكون
هاتشوفه في نشرة اخبار
أو وسط الازهار
محجوب عبد الدايم
زي اللبلاب والنار
يابيخنق نخل وتوت
يافي ايده النبوت
محجوب عبد الدايم
مش ممكن هايموت
او ينسى في يوم الطبله
أو ينسى الطار
محجوب عبد الدايم
طالع نازل زي المنشار
............................
اشرف الشناوي
شاعر عاميه
البرامون
المنصوره
ليست هناك تعليقات:
إرسال تعليق