"إسترجاع الذكرى"
-----------------------
واقف على صخره
والبحر قدامي
باسترجع الذكرى
واغرق في أحزاني
أيامي بتعدي
والدنيا واخداني
وبتجري ماتهدي
ياريت تعود تاني
فاكر وانا صُغَيَّر
والفَرْح كان بالكوم
كان نفسي لما اكبر
إن السعادة تدوم
ومكنتش اتصور
إني هاعيش محروم
مكتوب ومتقدر
أفقد حبيبي ف يوم
واجري على الصخره
والبحر قدامي
أسترجع الذكرى
واغرق في أحزاني
--------------------------
بقلمي؛
م. محمود الحريري
ليست هناك تعليقات:
إرسال تعليق