رباعيات رضا البوشي
اوقات ياخدنى عمايا وامشى فى الملكوت
امشى ع الميه اتنطط وابنى جبال وبيوت
ارجع الاقى الدنيا زى ما انا سيبتها
ورقه شجر ضعفانه ما طلعلهاش صوت
عجبى
تحت اللسان بركان غضب وانفجر
وفى سكته شلال محبه انكسر
قلبى من كتر الوجع طب اتقسم
لا عاد فيه حزن ولا حتى جواه بشر
عجبى
يا ميت ندامه على اللى قلبه انسرق
بسهام غزاله بين ضلوعه اترشق
عشر ميت حببب صفين على بابه
وهتعمل ايه ايه ياحب فى قلب اتحرق
عحبى
يا بو بدله مرسوم عليها الاحترام
زى القمر خطوتك يابدر التمام
كيف احسبك من جنس البشر
وايديك لا بتسلم ولا ترد السلام
عجبى /رضا البوشي
ليست هناك تعليقات:
إرسال تعليق