قالوا خلاص
بنو السد
والمية عنا راح تنسد
ميعرفوش انها محروسه
وبعون المولي ما يوم تنهد
مين ده يا مصر
اللي يلوي ف يوم دراعك
دي العزه من اسمك
والكرامه من اختراعك
طول عمرك قوية
م المولي محمية
وهواكِ والمية
م هيقدر يمنعهم حد
هتفضل مراكبك
تسير في البحور
والفلاح في أرضك
هيرمي البذور
وتطرح سنابل
وتفتح زهور
تكفي الخلايق
ويفيض للطيور
يا شمس الأصالة
يا بدر البدور
منتيش لقمة سهلة
منتيش ارض بور
ما دُمتِ عفية
وقلبك جسور
مفيش خوف عليكِ
ده ربك حاميكِ
في كل العصور
بقلمي /السيد صالح 🇪🇬
ليست هناك تعليقات:
إرسال تعليق