وحـشـتـيـنـــى
وحشتينى .. وحشتينى
يمين بالله ..وحشتينى
وحشنى الحب فى عيونك
وحشنى السحر فى جفونك
وحشنى طيف على المَيّه
يلاغينى ويغرينى
وحشتينى
يا عصفورة .. ياغندوره
يابنت الإيه ..يا مغروره
أنا سوّاج يا جِنّيّة
سافرت كتير
وطول عمرى
مابين الشط والميّه
وشفت كتير
صبايا ع الشطوط
نايمة
عيونهم للرفيق هايمة
وخوفى من غضب ربى
غضضت الطرف بعنيه
وبعد السير وترحالى
رجعت لبلدى وديارى
خَلِىّ البال
وكام موال بيحلالى
أغّرّد للطيور وحدى
وأمسح يالزهور خدّى
لدمعة نازلة من عينى
وحشتينى
لحد ما يوم قابلتينى
ومن نبعك رويتينى
ومن يومها وأنا حيران
وأحكى اللوعة للشطئان
وأقول يمكن تنسينى
وحشتينى
رفعت محمد محفوظ-الإسكندرية
---
ليست هناك تعليقات:
إرسال تعليق