🙏بانادي عليك🙏كلمات الشاعر/ م. محمود الحريري

 "بانادى عليك" 

قصيدة باللهجة العامية

-----------------------------

بانادى عليكِ.. 

ماتيجى نبتدى القصة

من الأول.. 

نخلى قلوبنا تتصافى

عشان الحزن لايعشش

ولا يطول.. 

ولاجل ماييجي علينا يوم 

نلاقى قلوبنا تتحول.. 

كمان مش صعب نتصالح.. 

وننسى اللى حصل بيننا.. 

وننسي زعلنا وهمومنا.. 

وبإدينا..نطوح كل خلافتنا

ورا ضهورنا. 

عشان بذرة أمل تطرح.. 

تنور جوه ف قلوبنا.. 

ياشمس نهارنا ودليلنا.. 

تعالى.. نورى طريقنا

ومدى إديكِ وادعيلنا

وخلى ضياكِ من تانى

يجَمَّع بين مشاعرنا 

------------------------------

بقلم : م/محمود الحريرى