كان لي
كان لي حبيب وهجرني
راح في البعد ونسيني
وسابني محبوس جوايا
ونار البعد تدميني
هي حياتي وهم حياتي
دي نبض قلبي
شراييني
اعيش ازاي من غيرها
وانا ليا بس مين غيرها
دا حتى عبير ضفايرها
انفاسه كانت
بتحييني
يا حبيبتي ليه هجرتي ليه
غلطت فيك وانا عارف
دا ذنب وندمت عليه
بس قوليلي اقول لقلبي ايه
لما ينده بحرف اسمك
هو ودمعي
وانيني
اقوله ضاع
راح وباع
وقال وداع
وسابني للوحدة
وحنيني
اقوله خان
زي الزمان
مالوش امان
هو وساعاتي
وسنيني
اقوله موت
بأعلى صوت
هس سكوت
دايما يا قلبي
تغويني
عايز تحب
نبضك يدب
اسكت يا قلب
تملي غاوي
تكويني
ما فيش نصيب
يكون لك حبيب
حتعيش غريب
نفسي زماني
يهاديني
بقلب جديد
زي الوليد
فرحان سعيد
امتى زماني
يراضيني
بقلمي يحيى حسين القاهرة
6 ابريل 2020
ليست هناك تعليقات:
إرسال تعليق