كتب الشاعر/ خالد عبد المعطي. 👍غنوتنا بين فرقة وعناد👍

 تخلص حكاوى و تبدى

حكاوى تانيه بناس جداد ..

..

و لساكى قادره ترددى

غنوتنا بين فرقه و عناد ..

..

يا رحله قبل ما تبتدى

خطف خطاويها البعاد ..

..

يا بحر شوق مهما هدى

بركان و نار تحت الرماد ..

..

كانت حكايتنا سوا

اجمل حكايه فى الغرام ..

..

منقوشه بين أهل الهوى

من غير حروف من غير كلام ..

..

كنت الجروح كنت الدوا

دمعه و اهه و ابتسام ..

..

و فرحه منها قلبى ارتوى

و حلم فى عز  المنام ..

..

يصرخ حرام بعدك حرام

يعلن فى البعد الحداد ..

..

تخلص حكاوى و تبتدى

حكاوى تانيه بناس جداد ..

..

و لساكى قادره ترددى

غنوتنا بين فرقه و عناد ..

..

يا رحله قبل ما تبتدى

خطف خطاويها البعاد ..

..

يا بحر شوق مهما هدى

بركان و نار تحت الرماد ..

..

طب راجعه ليه لبحرنا

و فى موجه راميه شكوتك ..

..

ما انت سرقتى عمرنا

و تاهت قلوبنا فى سكتك ..

..

و انت اللى دوستى حلمنا

و للبعد كانت خطوتك ..

..

بستان هوانا كان هنا

و البعد نار

 و انت افتكرتيه جنتك ..

..

قلبك قسى و اخد القرار

كان بينا خطوه صبحت بلاد ..

..

تخلص حكاوى و تبتدى

حكاوى تانيه بناس جداد ..

..

و لساكى قادره ترددى

غنوتنا بين فرقه و عناد . 

..

يا رحله قبل ما تبتدى

خطف خطاويها البعاد ..

..

يا بحر شوق مهما هدى

بركان و نار تحت الرماد ..

..

داست الخطاوى ع القلوب

و الموج قسى مسح  الحروف ..

..

و الشمس مالت للغروب

و اتبدلت احلامنا خوف ..

..

يا قلب فى النور دوبت دوب

الليل صبح جواك يطوف ..

..

و اللى ما بينا سكة هروب

مرسومه ف خطوط الكفوف ..

..

أرمى غلطنا ع الظروف

ده ما عادش يجمعنا معاد ..

..

تخلص حكاوى و تبتدى

حكاوى تانيه بناس جداد ..

..

و لساكى قادره ترددى

غنوتنا بين فرقه و عناد ..

..

يا رحله قبل ما تبتدى

خطف خطاويها البعاد ..

..

يا بحر شوق مهما هدى

بركان و نار تحت الرماد ..

..

#خالدعبدالمعطى