*( الوابور المسطول )*
ب ادي الوابور نفس
قاللي خليهم اتنين
خلي الدماغ تتهوس
وزيد كمان حجرين
حجر لواحد ماشي
بيعاكس في البنتين
والخيبه شعره شايب
أحول بعنيه لتنين
وخلي حجرك حامي
يفتح له دماغه نصين
***********
الحجر التاني ياصحبي
اتوصي بيه شويه
لواحد كان متخبي
نازل ف الناس أذيه
الكذب يبان ف عيونه
يتحكم فيك وفيا
شغال ف الدنيا زمر
وساعات يقلب وليه
ياما نفسي أولع فيه
ولا جنبه يلاقوا حنفيه
***********
قولت الوابور اتسطل
من كترت الأنفاس
تايه في وسط الدنيا
حاير ما بين الناس
الفالصو لونه بيلمع
في الطين غطوا الماس
************
بقلمي/اسماعيل عبدالهادي ابوالعلا
ليست هناك تعليقات:
إرسال تعليق