مصر جنة
قالوا عنك
وقالوا عنا
كلام كتير
مالهش معنى
فقير
ولكن بحب بلدي
نفسي يوم
ألقاها جنة
مالقاش فيها
أي فقير
ولا عجوز
بيشكي منا
ولا مريض
مالقاش دواه
ولو لقاه
مايبقاش منة
دا أنا مصري
ودمي مصري
وكل مصري
يبقى منا
وبقلب صافي
ونفس صافية
و بأمانة مصر جنة
بس عايزة مخلصين
يشيلوا هما الحمل عنا
وما يكونوا مجرمين
ويحكموا بالعدل بينا
صدقوني صدقوني
والله يا ناس مصر جنة
وخيرها فيها
وف واديها
للناس يوفي
ويقدر يكفي
كل اللي منا
بس عايزة مخلصين
يحكموا بالعدل بينا
مصر جنة
مصر جنة
وهبه البوهي
ليست هناك تعليقات:
إرسال تعليق