" سمك 🐳 - لبن 🍼- تمر هندى 🍺 "
" حدوتة مصرية "
▪︎ده احنا حايلله ع الفتافيت
▪︎دايرين نغزل ف الحواديت
▪︎ناس ف البنك تربى أرانب
▪︎وإحنا نزغط ف الكتاكيت
▪︎إحنا ولاد البطه السودا
▪︎وهمه ولاد التراباتييت
▪︎أما عبيط!!!! لأ...و أليط!!!
▪︎فاكر نفسى لئيم وحويط
▪︎وإنى إمتلك الجاه والسيط
▪︎ده الكتاكيت ديتهم شوطه
▪︎وأسرح تانى ببيض وسميط
▪︎أنا مش هشغل بالى وأنام
▪︎ولا راح أدعى على الأيام
▪︎ستر وصحة،فضل ونعمه
▪︎إنه شفانى من الأسقام
▪︎هشكر ربى ع الفتافيت
▪︎وأفضل أحكى ف الحواديت
▪︎اللى بطلها هيكون "إحنا"
▪︎و الكومبارس، "ولاد التيييت"
عجبى!!!
(خالد فاروق)
ليست هناك تعليقات:
إرسال تعليق