اغنية بعنوان عتاب
×××××××××
من قبل ماتيجى وتشرب شاى
متقولى حبيبى اليوم دا انا جاى
عشان استناك واقعد وياك
ولا تبقى مفاجأة وليه وازاى
من قبل ماتيجى وتشرب شاى
خليتنى اعيش وياك فى ظنون
لا عتاب ولا لوم ولا قلب عيون
لو عندى ميعاد او حد معاى
من قبل ماتيجى وتشرب شاى
اضرب تليفون قولى انك جاى
وبعد دا كله بتشكينى
وتسبب ليا دموع عينى
وتزعل ناس كات ترضينى
وتقول انا قلت وانا النساى
من قبل ماتيجى وتشرب شاى
اضرب تليفون قولى انك جاى
لو ميت مشغول انا حستناك
واستنى وافرح انا بلقاك
مش عشرة يوم دا العمر معاك
والعيش والملح اكلته معاى
من قبل ما تيجى وتشرب شاى
دى الصحبة الحلوة بتهوانا
والدنيا بتفرح ويانا
وتغنى وترقص للقانا
والقعدة الحلوة معاها الشاى
من قبل ماتيجى وتشرب شاى
اضرب تليفون ثولى انك جاى
اصحابنا لحبنا حسدونا
وقربوا منا وودونا
لسيرتنا الحلوة عرفونا
طب تزعل ليه وتجافى هواى
من قبل ما تيجى وتشرب شاى
اضرب تليفون قولى انك جاى
×××××××××
جمال على الشرقاوى
مليج منوفية
ليست هناك تعليقات:
إرسال تعليق