أبى الغالى
××××××××
ابويا الغالى كان شمعة
وكان ضلة وكان مقداف
منور ليلى بالبسمة
دليلى وكنت بيه شواف
وضله بعطف حامينى
مدفينى بحنين شفاف
ووسط بحور تغرقنى
بينقذنى كما المخطاف
وكان عاقل فى كل قرار
رزين بالحكمة والانصاف
وكله رجولة وشهامة
يصون بيته ومش خواف
وسيرته عشت انا بيها
خدوم فى الخير بكل عفاف
سنين مرت ومن غيرك
عايش تايه ولو مرتاح
وكنت اطلب يقول حاضر
ولو ممعهش يرضينى بكل سماح
وانا دلوقتى مش قادر
اكون زيك يارمز كفاح
انا محتاج تكون جنبى
تزيد اولادى كل فلاح
يانبع الحب والرحمة
يانور عينى قمر وضاح
تعبت علينا ربيتنا
على الاخلاق بكل صلاح
شقيت ع اللقمة والهدمة
ولفيت البلاد سواح
حنتقابل وفى الأخرة
ننول الجنة بالأفراح
حبببى وروحى اغلى الناس
انا فاكرك وبدعيلك مسا وصباح
ابويا الغالى انا ابنك انا اسمك
انا اللى عشت واناجنبك سنين مرتاح
جمال على الشرقاوى
مليج منوفية
ليست هناك تعليقات:
إرسال تعليق