.⚘"انتَ مين؟؟"⚘
جاي بتسأل تاني عني
قولي قبلاَ . أنتَ مين؟
قبل ما أعرف حاجة عنك
عايزة أقولك مش ح ألين!
لو طلبت العفو مني
لو ح أشوف قلبك حزين
لو شكيت لي أو بكيت لي
لو حكيت حزن و أنين.
ح أنسي كل إللي سمعته
وأرجع أسأل أنت مين؟
أنت شيء نسيته..سيبته
كان زمان إسمك رنين
أنت عندي ماضي فوته
دمعة ح تموت ف السنين
مش ح ترجع تاني منه
ذكري أو شيء من حنين
روح لغيري..أوعي تسأل
عن شبيه قلبي الآمين!
و إبعد. إبعد. قبل ما أرجع
أسأل أنت تبقي مين؟
⚘بقلمي /صفاء الخواجة⚘
ليست هناك تعليقات:
إرسال تعليق