( بحبك )
بحبك يا وطن مالي
حياتي حب مش مقطوع
بحبك يا وطن غالي
ف ليه تملى عيوني دموع
بحبك رغم كل قساك
علي الغلبان .. ورغم الجوع ..
ف عدل من خطاك حبه
عشان إبنك يشد الحيل
ده رغم الحب لترابك ..
تركته يعيش عليه موجوع
ده متشبس هنا بطينك
وله حلمه .. وأكيد مشروع
فساعده وبطل القسوة
عشان يهتف يعيش وطني
بصوت مسموع
ويتجمع هنا اولادك
وتزرع خيرها في ترابك
وهتآمن وتتآمن بأن حصادها مش منهوب
بخاف م القسوة تطردني
واقضي شبابي كله هروب
واتوه عن سكتك تاني
ولا ينفعني لا شافع ولا مشفوع
فيتغير شكلي وعنواني
لكن حبي لتراب بلدي هيفضل في الفؤاد موضوع
وأوصي بني :
ياريت في وطني تدفني
بحبه مهما آلمني
وطول عمري هكون له طوع
وهدعي وطني يتعافى ويحضني ..
دنا نبتة تراب وطني
ورغم البعد .. فيه مزروع
خالد سعد
ليست هناك تعليقات:
إرسال تعليق